சியோமி நிறுவனம் அதிகம் எதிர்பார்க்கப்பட்ட எம்.ஐ. 5X ஸ்மார்ட்போனினை அறிமுகம் செய்துள்ளது. புதிய MIUI 9 சார்ந்த ஆண்ட்ராய்டு 7.0 நௌக்கட் இயங்குதளம் கொண்டு இயங்குகிறது. டூயல் பிரைமரி கேமரா கொண்டுள்ள எம்.ஐ. 5X ஆக்டா-கோர் ஸ்னாப்டிராகன் 625 சிப்செட் மற்றும் மேம்படுத்தப்பட்ட ஆடியோ தரம் கொண்டுள்ளது.
மெட்டல் யுனிபாடி வடிவமைப்பு மற்றும் வளைந்த எட்ஜஸ் மற்றும் கைரேகை ஸ்கேனர் உள்ளிட்டவை வழங்கப்பட்டுள்ளது. ஐபோன் 7 பிளஸ் சார்ந்த வடிவமைப்பு கொண்டுள்ள புதிய எம்.ஐ. 5X மூன்று நிறங்களில் வெளியிடப்பட்டுள்ளது.
சியோமி எம்.ஐ. 5X சிறப்பம்சங்கள்:
* 5.5 இன்ச் ஃபுல்-எச்டி 1080x1920 பிக்சல் LTPS டிஸ்ப்ளே
* ஆண்ட்ராய்டு 7.0 இயங்குதளம்
* 2.0 ஜிகாஹெர்ட்ஸ் 64-பிட் ஆக்டா-கோர் ஸ்னாப்டிராகன் 625 சிப்செட்
* 4 ஜிபி ரேம்
* 64 ஜிபி இன்டெர்னல் மெமரி
* 12 எம்பி டூயல் பிரைமரி கேமரா
* 5 எம்பி செல்ஃபி கேமரா
* 4ஜி வோல்ட்இ, வைபை, ப்ளூடூத்
* 3.5 எம்எம் ஹெட்போன் ஜாக்
* 3080 எம்ஏஎச் பேட்டரி
புதிய எம்.ஐ. 5X ஸ்மார்ட்போன் ஆகஸ்டு 1-ம் தேதி முதல் விற்பனை செய்யப்பட இருக்கிறது. இதற்கான முன்பதிவுகள் ஏற்கனவே துவங்கியுள்ளது. சீனாவில் இதன் விலை CNY 1,499 அதாவது இந்திய மதிப்பில் ரூ.14,200 என நிர்ணயம் செய்யப்பட்டுள்ளது.
